ماهو FaceTime وماهو iMessage ؟؟

بأجهزة ابل خدمتين يخبلون وكلش حلوين ومهمين رح اشرح باختصار شنو عملهم وطريقة التفعيل :-

اولا FaceTime :- 

 

الفيس تايم هو خدمة توفرها شركة ابل لكل اجهزتها وهي عبارة عن اتصال صوت او فيديو بين اجهزة ابل فقط " ايفون، ايباد، ايبود و الماك " .

 

الصوت والفيديو دقة عالية وواضحة وتشتغل بصورة جيدة جداً حتى لو كان الانترنت ضعيف .

ثانياً iMessage :-

 

آي مسج هو تراسل بين اجهزة ابل وبيه كومة فيكات وستيكرات كلش حلوة وحصرية بهاي الخدمة وسريعة كلش بالتراسل بالاخص بالصور والفيديو وبيه فيكة هو شوكت انفتحت الرسالة وشوكت وصلت .

الحلو بهاي الخدمة من يسولفون اثنين وتكثر الــ شكو ماكو رح تعوفون السوالف وتلعبون لعبات مثل الشطرنج وغيرها من اللالعاب المتوفرة بمتجر iMessage.

طبعا iMessage يحتوي على متجر خاص بي في App Store تكدرون تنزلون منه العاب وستيكرات.

شلون طريقة التفعيل ؟؟

الخدمتين يتفعلون سويه يعني من تفعلون الفيس تايم الاي مسج يتفعل تلقائيا وياه بس اكو مشكلة الي هي بعض الناس صعب يفعلوها عالرقم فيكون التفعيل على ابل ايدي

يعني التفعيل عدنا بيه خيارين الاول هو من خلال الرقم  و الثاني  من خلال ابل ايدي .

انصحكم تفعلون عالرقم وتشيلون التفعيل عالايميل لان مثلا اني عندي رقمكم مراح يبين عندي انتوا عدكم فيس تايم او آي مسج لان التفعيل عالايميل والايميل مالتكم ما مخزون عندي .

اذا تردون تفعلو على الرقم شرط يكون خطك ممنتهية صلاحية الرصيد ومتوقف عن الاتصال